কিছুমান ক'ব নলগীয়া কথা....

তুমি আহিবা বুলি ৰৈ আছিলো
নাহিলা দেখোন
তোমাৰ অবিহনে কটোৱা দিনবোৰৰ
হিচাপ লব নাহা নেকি ?
আহিবা কেতিয়াবা, মই নাথাকিলেও
মোৰ কোঠাৰ চুকে কোণে থকা
আধাপোৰা চিগাৰেট আৰু কফিৰ উদং
গিলাচবোৰক লগ কৰিবা ।
সিহঁতে দিব তোমাক মোৰ ডায়েৰীখন,
সেই নিদ্রাহীন নিশাবোৰৰ এক খতিয়ান
তুমি কাৰ প্রেমত বলিয়া আজি ?
তোমাৰ সেই হাঁহি, সেই মধুৰ পৰশ আজি
মোৰ বাবে যেন এক ইন্চ'মনিয়া
ব'ম্বেৰ আকাশত যদি তৰা দেখিলোহেঁতেন
তৰা গণি ৰজনী কটালোহেঁতেন ।
তোমাৰ চুবুৰীত কুকুৰৰ ভুকনি শুনানে আজিকালি ?
আগতে তোমাৰ তালৈ চোৰৰ দৰে যাওঁতে যে
কুকুৰে ভুকিছিল মনত আছেনে ?
মই জানো, আজি মোৰ কথা শুনিবলৈ তোমাৰ আহৰি নাই
কিন্তূ মই তথাপিও বাট চাম,
পুনৰ সেই জীৱন ঘূৰাই পোৱাৰ আশাত.............